Pidato Bahasa Jawa

Assalamu ‘alaikum warohmatullahi wabarakaatuh,

Bismillahirrahmanirrahim

Bapak, Ibu, lan sedherek sedya kakung mewah putri. Matur nuwun sak ageng-agengipun atas kerawuhan panjengengan sedaya ing acara Peringatan Maulid Nabi Muhammad S.A.W ing dinten punika. Ngawiti atur kawula, sumangga kita nyaturaken syukur dumateng Gusti ingkang Maha Kuasa amargi kita tansah pinaringan taufik saha hidayah sahingga kita tansah pinaringan keimanan dumateng Allah Subhanahu wata’ala.

Sak lajeningipun, ing wekal ingkang sae punika, kawula badhe ngaturaken ceremah kanthi judul “pendidikan budi pekerti”.

Kaleresan ing dinten punika, kita ngawontenakan peringatan Maulid Nabi Muhammad, pendidikan budi pekerti kita hubungaken kalian budi pekerja ingkang dipun paringatan lan dipun contohaken dening Nabi kita, Nabi Muhammad.

Bapak/ibu/sedherek sedaya ingkang kula hormati,

Miturut agami Islam, bilih Gusti ingkang Maha Kuasa ngutus Nabi Muhammad, salah setunggalipun, kagem ngajaraken budi pekerti utawi akhlakul karimah. Akhlakul karimah saget dipun hubungaken kalian tindak tanduk kita ing ndalem ngagesang ing ndonya ingkang fana punika. Ing ndalem ngagesang ing ndonya saget kita bagi ing ndalem tiga perkara.

Sepindah, tindak tanduk kita dumateng Allah Subhanahu Wata’ala. Dados piyantun muslim ngamalaken ajaran-ajaran Islam kanthi kaffah. Artosipun, kita kedah dados muslim ingkang ngamalaken ajaran Islam kanthi mboten setengah-setengah sahingga kita dados muslim ingkang sejati. Supados kita dados muslim ingkang sejati, kita kedah nderek tuntunan Nabi kita Nabi Muhammad S.A.W.

Manawi kita ngaku dados ummatipun kanjeng Nabi Muhammad, kita kedah saget niru budi pekerti utawi akhlak ipun Kanjeng Nabi. Kanjeng Nabi niku anggadahi sifat jujur. Kita kedah niru sifat Nabi punika. Jujur kalian diri kita piyambah, jujur kalian tiyang lintu, langkung-langkung kita kedah jujur dumateng Allah Subhanahu Wata’ala lan ugi dumateng Kanjeng Nabi. Ajaran-ajaran Islam kedah dipun amalaken kagem kepentingan agama Islam, sanes kepentingan pribadi lan golongan.

Sak lajengipun, sifat Nabi Muhammad niku amanah. Kita kedah saget niru sifat Nabi, kita kedah amanah ing ndalem ngagesang ing ngalam ndonya punika. Manawi kita dados siswa, kita kedah saget njalani peran kita selaku siswa. Kita mboten nggunakaken aji mumpung kados siswa, lajeng kita sak wiyah-wiyah dumateng tiyang sepah utawi guru kita. Manawi kita dados pejabat, kita kedah ngalampahaken tugas kita kanthi sak sae-saenipun lan mentingaken kepentingan tiyang kathah tinimbang kepentingan pribadi, keluarga utawa golongan. Singkatipun, kita kedah miturut sifat-sifat Nabi: siddiq, amanah, tabligh lan fathonah. Ing wekdal sanes, kita saget jelasaken sifat tabligh lan fathonah.

Kita niki makhluk sosial. Dados makhluk sosial, kita kedah nglampahaken kebiasaan silaturrahim dumateng sesami. Kita kedah asah, asih lan asuh dumateng sesami. Manawi kita gadah pengetahuan ingkang linuwih, kita kedah mboten cethil dumateng tiyang ingkang merlokaken kita. Kita kedah saling asih dumateng sesami, lan kita kedah saling asuh dumateng sesami. Saling asah, asih lan asuh punika tigang perkara ingkang dipun kembangaken saking silaturrahim. Intinipun, kita kedah tetep nglampahi kesaenan dumateng sesami.

Manawi kita sampun saget nglampahi tugas kita selaku makhluk Allah ingkang sae ing ndalem ajaran agami lan sae ing masyarakat, kita sampun njalanaken hasbum minallah lan hasbum minnnas. Sae ing agami lan sae ing masyarakat.

Bapak/ibu/sedherek sedaya, cekap semanten kemawon atur kuwula soal pendidikan budi pekerti. Mugi atur kawula ingkang singkat punika saget dipun amalaken kanthi nyata ing ndalem kita ngagesang ing ngalam ndonya punika.

Akhiripun, kawula nyuwun pangapunten bilih wonten kekhilafan utawi kekirangan kawula. Assalamu ‘alaikum warohmatullahi wabarokaatu.

By : Dilla Saezana :)